کانگریس نے عوامی مسائل کو لے کر نکالا مارچ 

رشیکیش۔ نریندر نگر اسمبلی حلقہ میں کانگریس نے منکیریتی، ڈھل والا، چودہ بیگھہ علاقوں کے مختلف عوامی مسائل کو لے کر پیدل مارچ نکالا۔ اس دوران ریاست کی بی جے پی حکومت کے خلاف نعرے لگائے گئے۔ منگل کو دیو پریاگ کانگریس کمیٹی کے ضلع صدر ہمانشو بیجلوان کی قیادت میں کانگریسی ڈھل والا کے درگا مندر میں جمع ہوئے۔ یہاں بی جے پی حکومت کے خلاف ہنگامہ ہوا۔ علاقہ کے مختلف مسائل کو لے کر پیدل مارچ نکالا گیا جو مختلف علاقوں سے ہوتا ہوا منکیریتی کیلاش گیٹ پر اختتام پذیر ہوا۔ اس دوران کانگریسیوں نے ریاستی حکومت پر دھل والا، منکیریتی اور نریندر نگر علاقہ کے 14 بیگھہ علاقوں کو نظر انداز کرنے کا الزام لگایا۔ انہوں نے کہا کہ گھروں کے اوپر سے گزرنے والی ہائی ٹینشن لائن کو ہٹانے، خستہ حال سڑکوں کی مرمت، آبادی سے دور سیوریج ٹریٹمنٹ پلانٹ کی تنصیب، پانی بھرنے کا مسئلہ دور کرنے کے مطالبات کو نظر انداز کیا جا رہا ہے۔